Page 8 - Jiografia_Mazingira

Sura

ya Dhana ya ramani

Kwanza
FOR ONLINE READING ONLY

Utangulizi

Mandhari ya uso wa dunia hutofautiana kutoka eneo moja kwenda

lingine. Katika hali ya kawaida ni vigumu kufahamu mandhari ya
mahali fulani pasipo kutembelea eneo husika. Ramani ni mwongozo
unaorahisisha ujifunzaji kuhusu eneo fulani linalopatikana katika
uso wa dunia bila kufika katika eneo husika. Katika sura hii,

utajifunza maana ya ramani, aina za ramani, vipengele muhimu
vya ramani, sifa za ramani, na umuhimu wa ramani. Umahiri
utakaoujenga utakuwezesha kufafanua aina za ramani katika
miktadha mbalimbali.

Fikiri

Mwonekano wa maeneo mbalimbali ya uso wa dunia

Maana ya ramani

Ramani ni mchoro unaowakilisha taarifa zilizopo katika uso wa dunia

kwa kutumia skeli maalumu. Ramani huchorwa katika karatasi,
kitambaa, kidijitali au eneo lolote bapa. Taarifa za kijiografia zinazoweza
kuwasilishwa katika ramani ni kama vile; milima, mabonde, mito,

barabara, majengo na taarifa zingine muhimu. Ramani husaidia
kuelewa jinsi maeneo yalivyo na namna ya kuyafikia.

1

31/10/2024 19:17
JIOGRAFIA NA MAZINGIRA DARASA LA 4.indd 1
JIOGRAFIA NA MAZINGIRA DARASA LA 4.indd 1 31/10/2024 19:17