Page 84 - SayansiStd4

Sura ya Tano

Nishati
FOR ONLINE READING ONLY

Utangulizi
Kuna nishati mbalimbali zinazotumika katika maisha ya kila
siku. Katika sura hii, utajifunza aina na matumizi ya nishati ya
joto, mwanga na sauti. Vilevile, utafanya majaribio sahili ya

baadhi ya aina za nishati. Umahiri utakaoujenga utakusaidia
kubaini vyanzo vya nishati na kutumia nishati kwa ufanisi
katika maisha ya kila siku.

Fikiri Maisha yangekuwaje bila nishati.

Maana ya nishati

Katika mazingira tunayoishi kuna vyanzo mbalimbali vya nishati.
Nishati hizi zina uwezo wa kusababisha kazi kufanyika. Hivyo,

nishati ni uwezo unaowezesha kazi mbalimbali kufanyika.

Aina za nishati

Kuna aina mbalimbali za nishati tunazotumia katika maisha ya

kila siku. Baadhi ya nishati hizo ni kama vile nishati ya joto,
mwanga na sauti.

Nishati ya joto

Joto ni aina ya nishati inayosafiri kati ya vitu vyenye jotoridi

tofauti. Joto hutokana na vyanzo vya asili kama vile nyota

77

14/01/2025 18:39
SAYANSI DARASA LA IV KITABU CHA MWANAFUNZI.indd 77
SAYANSI DARASA LA IV KITABU CHA MWANAFUNZI.indd 77 14/01/2025 18:39