Page 75 - Fasihi_Kisw_F5

Fasihi ya Kiswahili kwa Shule za Sekondari

Sura

ya Kutathmini kazi za fasihi
FOR ONLINE READING ONLY
Tatu

Utangulizi

Kutathmini kazi za fasihi ni muhimu kwa sababu kunajenga uwezo wa kiakili na
kihisia, kukuza stadi za uchambuzi na uandishi, kuchochea mawazo na kuelewa
muktadha wa kihistoria na kijamii. Katika sura hii utajifunza, mitazamo,
uhusiano na dhima ya vipengele vya fani na maudhui katika kazi za fasihi. Pia,
utajifunza nadharia za uhakiki wa kazi za fasihi pamoja na kuzitumia katika
kuchambua kazi mbalimbali za kifasihi. Umahiri utakaoujenga katika sura hii

utakuwezesha kukuza stadi za uchambuzi na uandishi wa kazi za kifasihi.

Fani bila maudhui

Shughuli ya 3.1

Kwa kutumia vyanzo vya mtandaoni au maktabani na vinginevyo, soma matini
zinazohusu mitazamo mbalimbali ya dhana za fani na maudhui.

Mitazamo kuhusu fani na maudhui
Kuna mitazamo miwili inayoeleza fani na maudhui nayo ni: mtazamo wa
kidhanifu na wa kiyakinifu. Sehemu inayofuata inafafanua mitazamo hiyo.

Mtazamo wa Kidhanifu
Mtazamo wa kidhanifu ni ule unaochukulia fani na maudhui kama vipengele
ambavyo havina uhusiano, yaani kila kimoja kinajitegemea. Kwa mtazamo huu,
katika kazi za fasihi, fani na maudhui huweza kutenganishwa na kila kimoja
kikajitegemea. Hivyo, mtunzi anaweza kufikisha ujumbe wake kwa hadhira
aliyokusudia bila kutilia maanani fani. Sengo na Kiango (1973) na Nkwera (1978)
wametumia mtazamo wa kidhanifu katika kufasili dhana za fani na maudhui.

64 Kitabu cha Mwanafunzi
Kidato cha Tano

23/06/2024 17:54
FASIHI YA KISWAHILI KITABU CHA MWANAFUNZI KIDATO CHA TANO.indd 64
FASIHI YA KISWAHILI KITABU CHA MWANAFUNZI KIDATO CHA TANO.indd 64 23/06/2024 17:54