Page 163 - Historiayatznamaadili

Kazi ya kufanya namba 5

Imba Wimbo wa Taifa.

FOR ONLINE READING ONLY

Mwenge wa Uhuru
Mwenge wa Uhuru umebeba alama ya uhuru wa Taifa la
Tanzania. Mwenge huu kwa mara ya kwanza uliwashwa na raisi

wa kwanza nchini, hayati Mwalimu Julius Kambarage Nyerere
mwaka 1961; Tanganyika ilipopata uhuru. Mwenge huu
uliwashwa kuashiria mwanga nchini, na kama alama ya kuondoa
utawala wa kikoloni nchini. Ukoloni ulionekana kama ni kiza

kikuu ndani ya nchi. Hii ni kwa sababu, nchi ilikuwa haina uhuru
wa kisiasa, kiuchumi na kiutamaduni. Watanzania walilazimishwa
kufuata siasa na mila na desturi za wakoloni na hivyo, kupoteza
uhuru na utu wao. Mwenge hutambulika kama Mwenge wa

Uhuru, kwa sababu uliwashwa kuonesha nuru mpya ya mafanikio
na uhuru wa Mtanzania baada ya kuondoa ukoloni nchini.
Kielelezo namba 4, kinaonesha mwenge wa uhuru.

Mwaka 1964, mwenge wa uhuru
ulianza kukimbizwa nchi nzima,
na hadi sasa hukimbizwa kama

alama ya matumaini mapya nchini
yaliyoletwa na uhuru. Mwenge
huu kila uwashwapo hukumbusha
Watanzania umuhimu wa ujasiri wa
kutenda mambo kisiasa, kiuchumi

kulingana na maadili ya Kitanzania
baada ya kuondoa ubaguzi,
unyanyasaji na ukandamizaji

uliofanywa na wakoloni nchini. Kielelezo namba 4:
Mwenge wa Uhuru

156

06/11/2024 11:30:25
Historia ya Tanzania na Maadili STD IV.indd 156
Historia ya Tanzania na Maadili STD IV.indd 156 06/11/2024 11:30:25